{"id":1975,"date":"2012-12-31T17:35:00","date_gmt":"2012-12-31T17:35:00","guid":{"rendered":"http:\/\/paulkagame.com\/_test_&web\/?p=1975"},"modified":"2017-10-26T11:17:13","modified_gmt":"2017-10-26T11:17:13","slug":"ijambo-rya-nyakubahwa-paul-kagame-perezida-wa-repubulika-yu-rwanda-ku-munsi-wo-kugaragariza-abanyarwanda-uko-igihugu-gihagaze","status":"publish","type":"post","link":"https:\/\/paulkagame.rw\/2025\/?p=1975","title":{"rendered":"IJAMBO RYA NYAKUBAHWA PAUL KAGAME, PEREZIDA WA REPUBULIKA Y\u2019U RWANDA, KU MUNSI WO KUGARAGARIZA ABANYARWANDA UKO IGIHUGU GIHAGAZE"},"content":{"rendered":"
<\/div>\n

Ingoro y\u2019Inteko Ishinga Amategeko, itariki 31 Ukuboza 2012<\/p>\n

Banyakubahwa Bayobozi b\u2019Inzego Nkuru z\u2019Igihugu cyacu;<\/p>\n

Banyacyubahiro bandi muri hano;<\/p>\n

Banyakubahwa muhagarariye ibihugu byanyu n\u2019imiryango mpuzamahanga mu Rwanda;<\/p>\n

Banyarwanda; Banyarwandakazi;<\/p>\n

Nishimiye kugaruka muri iyi Ngoro y\u2019Inteko Ishinga Amategeko kubera impamvu ebyiri z\u2019ingenzi: \u00a0Iya mbere ni ukugaragariza Abanyarwanda bose, Inshuti z\u2019u Rwanda n\u2019abo dufatanya mu bikorwa binyuranye, uko u Rwanda ruhagaze muri iki gihe. Iya kabiri ni ukubifuriza umwaka mushya muhire, nk\u2019uko nanone dusanzwe tubikora muri ibi bihe.<\/p>\n

Mbere y\u2019uko ntanga ishusho y\u2019Igihugu cyacu, reka mbanze nshimire Abanyarwanda ko bitabiriye ibarura rusange ryakozwe uyu mwaka, rikagaragaza umubare wabanyarwanda, imibereho yabo, n\u2019imitungo yabo.<\/p>\n

Ibi bizatuma Leta ikora igenamigambi rihamye, na serivisi zitangwe hakurikijwe imibare nyakuri. Icyagaragaye kandi cy\u2019ingenzi ni uko umuvuduko w\u2019ubwiyongere bw\u2019abaturage wagabanyutse, ukava kuri 2.9 ku ijana mbere y\u2019i 2002, ubu ukaba ari 2.6 ku ijana.<\/p>\n

Ibi birerekana ko ingamba twafashe zo kugabanya uwo muvuduko zagize akamaro kandi ko nidukomeza muri iyo nzira, ubwinshi bw\u2019Abanyarwanda butazagira ingaruka ku bukungu bwabo.<\/p>\n

Mu by\u2019ukuri, ntawabura kuvuga ko Igihugu cyacu gikomeje gutera intambwe ishimishije mu iterambere. Imibare inyuranye igaragaza ko ubukungu bw\u2019u Rwanda bukomeje kwiyongera.<\/p>\n

Muri uyu mwaka dushoje, duteganya ko ubukungu bwacu buziyongera kugipimo kingana na 7.7 ku ijana, ahanini bushingiye ku musaruro mwiza waturutse muri serivisi n\u2019inganda, byiyongereye ku gipimo cya 13.5 ku ijana, na 6 ku ijana mu bihembwe bitatu bya mbere by\u2019uyu mwaka. Ibi birashimishije.<\/p>\n

Ubu bukungu ariko bwashoboraga kwiyongera iyo hataba impamvu ebyiri zitaturutse ku Rwanda,kubanyarwanda. Iya mbere ni uko ubukungu bw\u2019isi muri rusange bwahuye n\u2019ibibazo bitoroshye, na twe bikaba byaratugizeho ingaruka. Iya kabiri ni ingaruka z\u2019intambara mu gihugu duturanye nacyo byitiriwe uRwanda inkomoko yabyo kandi ataribyo. Ntabwo aribyo, ntabwo intambara yabaye mu gihugu cyabaturanyi yatewe n\u2019uRwanda, ntabwo uRwanda rwarugizemo uruhare. Ntabwo aribyo. nababivuga barabizi ko ataribyo. Abo babivuga nibo byaturutseho<\/p>\n

Nk\u2019uko mubizi, hari Raporo yasohotse ishingiye ku binyoma yatumye bamwe mu baterankunga tumaze igihe dukorana bahagarika inkuga yabo, kandi bikorwa mu buryo nabwo butaribwo, bunyuranyije n\u2019amahame agenga imikorere n\u2019imikoranire mpuzamahanga.<\/p>\n

Ibi ntabwo jye navuga ko bitangaje kuko bihuje n\u2019ibyo tumaze iminsi tuvuga: Musubije amaso inyuma mukibuka ibyagiye bikorwa nibyo twagiye tuvuga kumugaragaro, iyi inkunga ituruka hanze ishobora guhagarara igihe icyo ari cyo cyose. Ntanubwo bigomba kugendera kumpanvu zishingiye ku kuri, kuko izo mpanvu zigenwa nabatanga iyo nkunga. Ko intego yacu ikwiye kuba kugenda dukora ibishoboka byose tugabanya imfashanyo iva mu mahanga. Cyane cyane twibanda ko havayo ishoramari rindi ryabikorera. Icya ngombwa ni uko tudatezuka kuri iyo ntego yibyo tugomba gukora. Guhagarika imfashanyo bikaka byashobora gusa kudindiza iterambere ryacu, ariko ntibizatubuza gukomeza gukora ibishoboka byose kugirango twivane aho turi, tuvane abanyarwanda mubukene nk\u2019uko twabuvanyemo mu myaka itanu ishize abarenga miliyoni imwe bakaba baravuye mubukene nkuko tubizi.<\/p>\n

Nidukomeza gukora uko dushoboye kose kandi dushingira ku myunvire myiza, tugakomeza guteza Igihugu cyacu imbere, ubukungu bwacu bukiyongera, guhagarika inkunga ndakeka ko bizaba byaratuviriyemo isomo ryiza.<\/p>\n

Kandi umusingi urahari. Uretse kwitabira umurimo byaranze Abanyarwanda muri uyu mwaka n\u2019iyashize, dufite umutekano, amahoro n\u2019imiyoborere myiza mu gihugu cyacu Hari n\u2019ibindi twavuga. Reka dutange ingero zikurikira.<\/p>\n

Umubare w\u2019amabanki n\u2019amashami yayo byariyongereye kandi bisakara mu Gihugu hose. Za koperative, SACCO na zo zariyongereye kandi zigirira akamaro abanyamuryango bazo n\u2019Abanyarwanda muri rusange. Ariko ntabwo tuvuga imibare gusa! Nuburyo zigomba gukora bwagiye burushaho kunozwa biteza abanyarwanda imbere.<\/p>\n

Abanyarwanda bahabwa serivisi z\u2019imari bavuye kuri 48 ku ijana mu mwaka wa 2008 bagera kuri 72 ku ijana uyu mwaka. Inguzanyo zatanzwe n\u2019amabanki n\u2019ibindi bigo by\u2019imari uyu mwaka zigeze kuri miliyari hafi 440, ugereranyije na miliyari hafi 339 z\u2019umwaka ushize. Nidukomeza kugira umuco wo kuzigama no gukorana n\u2019ibigo by\u2019imari, nta gushidikanya ko ubukungu bwacu buziyongera kurushaho, kandi bugakomeza.<\/p>\n

Uyu mwaka na none ibyo twohereza mu mahanga byiyongereye ku gipimo cya 74 ku ijana, agaciro kabyo kiyongera ku gipimo cya 22 ku ijana. Ibyinjiye mu Rwanda muri uyu mwaka dushoje byiyongereye ku gipimo cya 29 ku ijana, agaciro kabyo kiyongera ku gipimo cyegereye 14 ku ijana.<\/p>\n

N\u2019ubwo umubare w\u2019ibyo twohereza hanze wazamutse, haracyari icyuho kinini iyo urebye amafaranga menshi dutanga ku byo tuvana hanze. Ni ngombwa rero ko twongera umubare n\u2019agaciro mu byo twohereza ku masoko mpuzamahanga. Bityo inyungu tuvanamo igakomeza kuzamuka.<\/p>\n

Mu bijyanye n\u2019ubukungu twavuga na none ko ishoramari na ryo, ryaba iry\u2019Abanyarwanda cyangwa iry\u2019abandi baturutse hanze y\u2019Igihugu, ryakomeje gutera imbere muri uyu mwaka.<\/p>\n

Mu bihembwe bitatu bya mbere by\u2019uyu mwaka, ishoramari ryageze ku madolari miliyoni 570 ugereranyije n\u2019amadolari miliyoni 483 y\u2019umwaka ushize.<\/p>\n

Igishimishije ni uko ishoramari rijya mu mishinga izagira ingaruka nziza kandi nini ku iterambere ry\u2019Igihugu cyacu muri rusange.<\/p>\n

Aha twavuga nk\u2019ishoramari rigamije kongera amashanyarazi mu Gihugu, amahoteri yo mu rwego mpuzamahanga, ndetse na Rwandair iduhuza n\u2019ibindi bihugu.<\/p>\n

Ahanini ibi biterwa n\u2019uburyo twashyizeho bwo korohereza abashoramari gutangira no gukorera imirimo yabo mu Rwanda. Nibutse ko ubu Igihugu cyacu kiri ku isonga muri aka karere k\u2019Ibihugu by\u2019Umuryango w\u2019Afurika y\u2019Iburasirazuba mu byerekeye korohereza abashoramari, ndetse igihugu cyacu kikaba icya 3 muri Afurika.<\/p>\n

Muri uyu mwaka kandi, twakomeje kubaka imihanda mishya ya kaburimbo nka Kigali \u2013 Musanze; Kigali \u2013 Gatuna; Rusizi \u2013 Rubavu; Ntendezi \u2013 Huye; no gusana iyindi.<\/p>\n

Imigi minini n\u2019imito, na Centre z\u2019ubucuruzi hirya no hino mu Gihugu na byo byakomeje kuvugururwa no guhabwa isura nziza. Amazi n\u2019amashanyarazi byariyongereye mu Gihugu n\u2019ubwo tugomba gushyiramo izindi mbaraga nyinshi kugira ngo bigere kuri buri Munyarwanda.<\/p>\n

Amabuye y\u2019agaciro na yo aragenda agira uruhare runini mu kongera ubukungu bw\u2019Igihugu cyacu. Muri uyu mwaka ayo mabuye yinjije amadolari hafi miliyoni 128, kandi biragaragara ko mu bihe biri imbere umusaruro wayo uziyongera kurushaho, ugaha Abanyarwanda uburyo bwinshi harimo nimirimo.<\/p>\n

Ubukerarugendo na bwo bwakomeje gutera imbere muri uyu mwaka, ni na bwo buza ku isonga mu bitwinjiriza amadovize menshi.Ibi bitwereka ko u Rwanda rwabaye nyabagendwa, abantu bifuza kureba ibikorerwa mu Rwanda n\u2019ibyiza nyaburanga rufite. Usibye ko hiyongeraho no gushaka kurukoreramo ndetse no kuruturamo<\/p>\n

Kugeza m\u2019Ukwakira uyu mwaka, haje ba mukerarugendo binjije amadolari miliyoni 232. Ugereranyije n\u2019umwaka ushize muri ayo mezi, u Rwanda rwinjije amadolari miliyoni 204. Icya ngombwa ni uko dukomeza kubakira neza, tukabaha serivisi nziza, bakagenda bafite isura nziza y\u2019Igihugu cyacu, bakacyumva, kandi bakakivuga neza uko bikwiye, babishobora, bakazagaruka bazanye n\u2019abandi benshi.<\/p>\n

Banyarwanda, Banyarwandakazi;<\/p>\n

Dukwiye no kwishimira intambwe imaze guterwa mu ikoranabuhanga. Ubu biroroshye guhanahana amakuru, ubumenyi, koherereza no kwakira amafaranga, kumenya ibiciro byo ku masoko mu Rwanda no hanze, n\u2019ibindi.<\/p>\n

Turashishikariza Abanyarwanda bose, cyane cyane urubyiruko, kwitabira ikoranabuhanga kuko ari ryo rizanoza imikorere no kongera umusaruro w\u2019ibyo dukora byose.<\/p>\n

Mu byerekeye imibereho myiza, twavuga ko Abanyarwanda muri rusange biga ari benshi kurusha mu myaka yashize kandi bakavurwa uko bikwiye iyo bibaye ngombwa.<\/p>\n

Muri uyu mwaka twakomeje kongera amashuri mu byiciro binyuranye; umubare wabayigamo na wo warazamutse.Mu mashuri abanza umubare w\u2019abanyeshuri wiyongereyeho 2.3 ku ijana; ubu bagera kuri miliyoni 2, ibihumbi 394, na 674, ugereranyije na miliyoni 2 ibihumbi 341 n\u2019i 146 b\u2019umwaka ushize .<\/p>\n

Mu mashuri yisumbuye, abanyeshuri biyongereye hafi 10 ku ijana, bagera ku bihumbi 534 na 712, ugereranyije n\u2019ibihumbi 486 na 437 umwaka ushize.<\/p>\n

Umubare w\u2019abanyeshuri bari muri Kaminuza wiyongereyeho 4 ku ijana, ubu zifite abanyeshuri ibihumbi 76, 629 ugereranyije n\u2019ibihumbi 73,674 bo mu 2011.<\/p>\n

Uyu mwaka twanatangije gahunda y\u2019uburezi bw\u2019ibanze bw\u2019imyaka 12, ikaba ari intambwe yuzuza gahunda y\u2019uburezi bw\u2019ibanze bw\u2019imyaka 9 dusanganywe.<\/p>\n

Na none twakwishimira ko umubare w\u2019amashuri y\u2019imyuga n\u2019abayigamo byiyongereye. Umubare w\u2019abanyeshuri mu byiciro binyuranye wavuye ku bihumbi 67 na 919 ugera ku bihumbi 74 na 320. Muri aya mashuri yimyuga havamo ubumenyingiro n\u2019ubushobozi byo gukora mu nganda, mu buhinzi, mu bworozi ndetse bakaba bafite n\u2019amahirwe yo kwihangira imirimo. Aya mashuri rero ni ngombwa ko iguhugu cyacu gikomeza kuyashoramo imari nubushobozi bushoboka bwose kugirango tuyagire menshi numubare wabanyeshuri uhore wiyongera kandi nibyo bageraho biteza igihugu imbere bihore byiyongera.<\/p>\n

Ni na ngombwa ko dushishikariza abana b\u2019Abanyarwanda kwitabira aya mashuri y\u2019imyuga kuko ubukungu bwacu buzakomeza gushingira kuri ubwo bumenyi ngiro. Ariko ndibwirako mbere yo kubitoza abana bacu, abyobozi bari hano nababyeyi bandi dukwiye kubanza tukunva inshingiro ryabyo.<\/p>\n

Ntitwabura kuvuga na none ko uyu mwaka hari za kaminuza zo hanze zaje gutangiza amashami yazo mu Rwanda. Urugero ninkishami rya Carnegie Melon, universite yo muri Amerika. Hari nizindi.<\/p>\n

Ibi bizatuma ireme ry\u2019uburezi muri rusange ryiyongera; Abanyarwanda bayungukiremo ubumenyi buhanitse twajyaga tugomba gushakisha hanze.<\/p>\n

Mu byerekeye ubuzima, uyu mwaka twakomeje kongera umubare w\u2019amavuriro n\u2019uw\u2019abavuzi babifitiye ubushobozi. Ndetse niba mubizi neza hari gahunda yabaganga baturuka hanze cyane muri Amerika, aho za universite namavuriro akomeye atandukanye yohereje abaganga benshi nabarimu baza gukorana namavuriro yacu mu buryo bwo kubaka ubushobozi bwa abaganga<\/p>\n

bwabaganga namavuriro.<\/p>\n

Twanavuguruye ubwisungane mu kwivuza (mutuelle de sant\u00e9), ku buryo Umunyarwanda wese ashobora kwivuriza aho ari hose mu Gihugu.<\/p>\n

Indwara zari zarazahaje Abanyarwanda nka malariya nibindi ndetse birimo n\u2019impfu z\u2019abana n\u2019abagore babyara cyangwa batwite, na zo zirakomeza kugenda zigabanyuka ku buryo bushimishije. Imibare dufite igaragaza ko impfu z\u2019abana bari munsi y\u2019imyaka itanu zari 152 ku bana 1000 mu 2005, ubu zikaba ari 54 ku bana 1000.<\/p>\n

Umubare w\u2019ababyeyi bapfa babyara cyangwa batwite wavuye kuri 750 ku bagore 100,000 mu 2005, ubu ukaba uhagaze ku 134. Naho umubare w\u2019impfu ziterwa na malariya waragabunyutse cyane, uva ku gipimo cya 54 ku ijana mu 2005, ubu ni 6 ku ijana.<\/p>\n

Tuzakomeza gushyira imbaraga mu kurwanya imirire mibi, akenshi ituruka ku myumvire mibi no ku bujiji. Igihugu cyacu nticyakwihaza mu mirire, hanyuma ngo uduce tumwe twacyo dukomeze kurangwa n\u2019imirire mibi.<\/p>\n

Tuzanongerera abaganga bacu ubumenyi buhanitse kandi bwihariye, dukomeze no gukumira no kurwanya icyorezo cya SIDA nibindi byorezo.<\/p>\n

Mu byerekeye ubutabera, twakwishimira ko amategeko akomeje kuvugururwa aho bibaye ngombwa, kandi bigakorwa hashingiwe ku mikorere myiza igaragara mu rwego mpuzamahanga.<\/p>\n

Hari inkiko mpuzamahanga n\u2019ibihugu byo hanze byemeye iyo ntera ubutabera bwacu bumaze kugeraho, ubu bikaba bitwoherereza Abanyarwanda babituyemo bakekwaho ibyaha bakoreye mu Rwanda.<\/p>\n

Twagabanyije ibihano kandi turifuza ko za gereza ziba koko ibigo ngororamuco. Ibi byatumye umubare w\u2019abagororwa ndetse na za gereza bigabanyuka.<\/p>\n

Urwego rw\u2019Abunzi rumaze gushinga imizi, kandi abaturage bafite uruhare mu mikorere yarwo, kuko ari kimwe mu bikorwa bishingiye ku muco wacu nyarwanda.<\/p>\n

Ntawabura kuvuga ko rwagabanyije imanza nyinshi zari kujya mu Nkiko. Twanashyizeho urwego muri buri Karere rwunganira kandirukagira inama abaturage mu bibazo by\u2019ubutabera<\/p>\n

Inkiko Gacaca twashoje uyu mwaka zakoze umurimo mwiza cyane mu byerekeye ubutabera bwunga Abanyarwanda. Izi Nkiko zatubereye igisubizo cy\u2019ikibazo gikomeye Abanyarwanda twahuye na cyo cyatewe na jenoside.<\/p>\n

Ni n\u2019ikindi kimenyetso cy\u2019uko Abanyarwanda bifitemo ububasha bwo kwishakamo ibisubizo no mu gihe kiri imbere.<\/p>\n

Nkaba mboneyeho umwanya wo gushimira Abanyarwanda b\u2019ingeri zose, abo mu Rwanda n\u2019abo mu mahanga, ndetse n\u2019inshuti z\u2019u Rwanda ikindi gikorwa cyiza cyo gutera inkunga ikigega \u201cAgaciro Development Fund\u201d twishyiriyeho.<\/p>\n

Banyacyubahiro mwese muri hano;<\/p>\n

Banyarwanda, Banyarwandakazi;<\/p>\n

Tuzakomeza gufatanya n\u2019ibindi bihugu by\u2019Afurika, ndetse no hanze ya Afurika gushaka amahoro arambye kuri uyu mugabane, ndetse tunaharanire n\u2019iterambere ryawo kugira ngo Abanyafurika barusheho kugira ubuzima bwiza.<\/p>\n

Aho bibaye ngombwa, tuzakomeza gutanga umusanzu mu kubungabunga amahoro n\u2019umutekano cyane muri Afurika n\u2019ahandi ku isi, uko bizaba bikenewe kandi tubishoboye.<\/p>\n

Ndagira ngo nsoze nongera kwibutsa ko igihugu cyacu kiri mu nzira nziza. Icya ngombwa ni uguhora duhanze amaso aho tugana, tugahuza ibikorwa nimigambi, kandi ntitwigere na rimwe dutezuka ku ntego yo guteza Igihugu cyacu n\u2019Abanyarwanda imbere, n\u2019iyo twahura n\u2019ibibazo. Ibibazo byo nabasezeranya ko tuzahura nabyo. Ariko tugomba no gusezeranya ko tuzahangana nabyo kandi tukabikemura.<\/p>\n

Ibibazo, ibyo ari byo byose twahura na byo, ntibikwiriye kugira abo bica intege, ahubwo bikwiye kutwongera imbaraga n\u2019ubushake byo kugirango tubikemure.<\/p>\n

Izo mbaraga n\u2019ubushake bizagaragare muri uyu mwaka tugiye gutangira mushya w\u2019i 2013 maze utubere mwiza kurusha uwo dushoje. Ubukungu bwacu bwiyongere, tunavane mu bukene abandi Banyarwanda benshi.<\/p>\n

Duhere kuri byinshi dufitiye ubushobozi twebwe ubwacu, maze dushyiremo imbaraga zacu zose, tubibyaze umusaruro mwiza. Ahangaha nagirango nkangurire abayobozi bose ko bagomba kuhagira uruhare rukomeye, n\u2019ubwitange budasanzwe. Ibyo nukubibutsa ariko nongera no kubibasaba.<\/p>\n

Nk\u2019uko nabivuze ntangira, mboneyeho umwanya wo kwifuriza Abanyarwanda n\u2019abaturarwanda bose, n\u2019inshuti z\u2019u Rwanda, umwaka mushya muhire w\u2019i 2013.<\/p>\n

Uzababere mwese n\u2019imiryango yanyu uw\u2019uburumbuke n\u2019ibikorwa byinshi, kandi uzakomeze kurangwa n\u2019ubufatanye bugamije kugeza u Rwanda ku yindi ntera kandi rukwiye<\/p>\n

Murakoze, mugire umugoroba mwiza, muhorane n\u2019amahoro y\u2019Imana.<\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n

 <\/p>\n","protected":false},"excerpt":{"rendered":"

Ingoro y\u2019Inteko Ishinga Amategeko, itariki 31 Ukuboza 2012 Banyakubahwa Bayobozi b\u2019Inzego Nkuru z\u2019Igihugu cyacu; Banyacyubahiro bandi muri hano; Banyakubahwa muhagarariye ibihugu byanyu n\u2019imiryango mpuzamahanga mu Rwanda; Banyarwanda; Banyarwandakazi; Nishimiye kugaruka muri iyi Ngoro y\u2019Inteko Ishinga Amategeko kubera impamvu ebyiri z\u2019ingenzi: \u00a0Iya mbere ni ukugaragariza Abanyarwanda bose, Inshuti z\u2019u Rwanda n\u2019abo dufatanya mu bikorwa binyuranye, uko u Rwanda ruhagaze muri iki gihe. Iya kabiri ni ukubifuriza umwaka mushya muhire, nk\u2019uko nanone dusanzwe tubikora muri ibi bihe. Mbere y\u2019uko ntanga ishusho y\u2019Igihugu…<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[3],"tags":[],"class_list":["post-1975","post","type-post","status-publish","format-standard","hentry","category-speech"],"acf":[],"_links":{"self":[{"href":"https:\/\/paulkagame.rw\/2025\/index.php?rest_route=\/wp\/v2\/posts\/1975","targetHints":{"allow":["GET"]}}],"collection":[{"href":"https:\/\/paulkagame.rw\/2025\/index.php?rest_route=\/wp\/v2\/posts"}],"about":[{"href":"https:\/\/paulkagame.rw\/2025\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/paulkagame.rw\/2025\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Fcomments&post=1975"}],"version-history":[{"count":1,"href":"https:\/\/paulkagame.rw\/2025\/index.php?rest_route=\/wp\/v2\/posts\/1975\/revisions"}],"predecessor-version":[{"id":11886,"href":"https:\/\/paulkagame.rw\/2025\/index.php?rest_route=\/wp\/v2\/posts\/1975\/revisions\/11886"}],"wp:attachment":[{"href":"https:\/\/paulkagame.rw\/2025\/index.php?rest_route=%2Fwp%2Fv2%2Fmedia&parent=1975"}],"wp:term":[{"taxonomy":"category","embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Fcategories&post=1975"},{"taxonomy":"post_tag","embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Ftags&post=1975"}],"curies":[{"name":"wp","href":"https:\/\/api.w.org\/{rel}","templated":true}]}}