{"id":15786,"date":"2020-12-06T10:02:00","date_gmt":"2020-12-06T10:02:00","guid":{"rendered":"http:\/\/197.243.16.164\/revamp\/?p=15786"},"modified":"2021-01-12T10:03:23","modified_gmt":"2021-01-12T10:03:23","slug":"ijambo-rya-perezida-kagame-mu-misa-yo-gushimira-imana-ku-bwa-karidinali-kambanda-kigali-6-ukuboza-2020","status":"publish","type":"post","link":"https:\/\/paulkagame.rw\/2025\/?p=15786","title":{"rendered":"Ijambo rya Perezida Kagame mu Misa yo Gushimira Imana ku bwa Karidinali Kambanda | Kigali, 6 Ukuboza 2020"},"content":{"rendered":"
<\/div>\n\n

Nyiricyubahiro Antoine Karidinali Kambanda, Arikiyepisikopi wa Kigali;<\/p>\n\n\n\n

Bayobozi b\u2019inzego nkuru z\u2019Igihugu cyacu;<\/p>\n\n\n\n

Nyiricyubahiro Marcel Madila Basanguka, Arikiyepisikopi wa Kananga, akaba na Perezida  w\u2019Ihuriro ry\u2019Inama y\u2019Abepisikopi muri Afurika yo hagati;<\/p>\n\n\n\n

Nyiricyubahiro Filipo Rukamba, Umwepisikopi wa Butare, akaba na Perezida w\u2019Inama y\u2019Abepisikopi Gatolika mu Rwanda;<\/p>\n\n\n\n

Nyakubahwa Musenyeri Andrzej J\u00f3zwowicz, Intumwa ya Papa mu Rwanda;<\/p>\n\n\n\n

Ba Nyiricyubahiro Bepiskopi bo mu Rwanda n\u2019Abepisikopi, inshuti zacu, baturutse mu gihugu gituranyi cya Congo;<\/p>\n\n\n\n

Abihayimana mwese muri hano, bashyitsi bahire, n\u2019Abanyarwanda bari hano n\u2019abadukurikira;<\/p>\n\n\n\n

Mbanje kubasuhuza mwese.<\/p>\n\n\n\n

Uyu munsi, Abanyarwanda dufite ibyishimo by\u2019uko Kiliziya Gatolika y\u2019u Rwanda yabonye Karidinali. Byavuzwe, ni bwo bwa mbere mu myaka 120. Imyaka 120 ishobora kuba mike, ishobora kuba myinshi bitewe n\u2019icyo utekereza. Batubwiye neza ko Kiliziya Gatolika, turabizi,  imaze igihe kirekire cyane ku isi, imyaka ibihumbi. Murumva rero ko imyaka 120 uba uri muto cyane.<\/p>\n\n\n\n

Ariko ikiza cyangwa ikibi ntabwo kigendera ku myaka. Ikiza kiba kiza aho kibereye kiza hose. Ikibi nacyo kiba kibi bitewe n\u2019aho giherereye. Ariko twebwe turireba nk\u2019abari bamaze imyaka 120. Muri iyo myaka 120 turakuze bihagije, tumaze kumenya gutandukanya ikibi n\u2019ikiza.<\/p>\n\n\n\n

Twateraniye aha rero gushimira Imana iyi mpano twabonye muri iyi myaka 120. Icya mbere Karidinali Kambanda tumufite nk\u2019Umunyarwanda, nk\u2019umwana w\u2019u Rwanda. Yarakuze rero Imana imugira Umusaseridoti. Irongera iramuzamura aba Umwepisikopi. None imugejeje ku rwego rwa Karidinali.<\/p>\n\n\n\n

Ibyo rero turabishimira Nyirubutungane Papa Fransisko wagiriye Karidinali Kambanda ikizere, akamuzamura mu ntera, akamushyira mu bajyanama be ba hafi. Ubwo icyo kizere gishingiye ku bushishozi n\u2019umurava Karidinali Kambanda yagaragaje mu butumwa bwe mu Rwanda. Kandi akerekana ko ashoboye kugeza umusanzu we kuri kiliziya yose ku isi.<\/p>\n\n\n\n

Umubano w\u2019u Rwanda na Vatikani nawo wafashe intera ishimishije. Tukaba nabyo tubishimira Papa Fransisko wakomeje kugaragaza ubushake bwo kuwunoza, ndetse akosora ibitaratunganye mu bihe byashize, kandi bitari bikwiye no kuba. Ibyo ntabikorera u Rwanda gusa, biragaragara ko abikora n\u2019ahandi ku isi hose. Ibyo rero nawe ntawabura kubimushimira.<\/p>\n\n\n\n

Turagushimira rero Karidinali Kambanda urwego ugezeho, kandi turizera ko uzafatanya nabo bashyize imbere gukorera Kiliziya neza, gukorera igihugu cy\u2019u Rwanda neza, gukorera Abanyarwanda neza. Ni ishema, n\u2019icyubahiro, ndibwira kuri we bwite, ariko ni ibyacu nk\u2019u Rwanda n\u2019Abanyarwanda twese, ndetse tutitaye cyane ku buryo twemera, imyemerere ijyanye n\u2019amadini.<\/p>\n\n\n\n

Iyo Umunyarwanda azamutse mu ntera kubera ubushobozi n\u2019umurimo mwiza akora cyangwa yakoze, yaba mu gihugu cyangwa ku rwego mpuzamahanga, twese turishima. Ikizere yagiriwe n\u2019agaciro yahawe ubwo natwe biba ibyacu. Aba ari intore mu nshingano arimo, ariko akaba n\u2019intore mu gihugu cyacu ari nacyo cye. Ibyo rero ndibwira ko bizafasha Karidinali Kambanda kurangiza neza icyo Imana imwifuzaho n\u2019ibyo Abanyarwanda muri rusange babona kandi bateze kuri Kiliziya Gatolika.<\/p>\n\n\n\n

Nk\u2019uko rero dusangiye ishema n\u2019ibyishimo, tugomba no kumufasha muri izi nshingano, akazasohoza ubutumwa bwe neza.<\/p>\n\n\n\n

Mu mateka maremare hano mu Rwanda Kiliziya Gatolika ifite, yabaye umufatanyabikorwa mu mibereho y\u2019Abanyarwanda, yaba mu burezi, ubuzima, no mu iterambere muri rusange. Kiliziya Gatolika yafatanyije n\u2019inzego za Leta, ifatanya n\u2019Abanyarwanda, ifatanya ndetse n\u2019andi madini muri ibi bikorwa. Ubu bufatanye rero burakomeje, bukwiriye gukomeza, ndetse bukwiriye guhabwa n\u2019imbaraga zindi nshya nk\u2019uko tugenda twunguka n\u2019abayobozi kuri izi nzego bashya, nk\u2019uko Kambanda yagizwe umu Karidinali  kuri uru rwego.<\/p>\n\n\n\n

Iby\u2019uko ayo amateka y\u2019 u Rwanda naya Kiliziya hagiye haba rimwe na rimwe ibitaragenze neza cyangwa ingorane zitandukanye, ndetse biza no guhungabanya ubuzima bw\u2019igihugu, ibyo ntabwo ari byo twashyira imbere. Ngira ngo ibyo twabivanyemo isomo. Twumvise icyabuze icyo gihe. Turashakisha icyo ari cyo cyose cyatuma bitasubira, kandi tugatera intambwe tugana ubundi buzima bwubaka ubufatanye kandi bwubaka igihugu n\u2019abantu bagituye.<\/p>\n\n\n\n

Rero ndibwira ko Karidinali Kambanda n\u2019abandi bazaba bafatanyije nawe, we ubwe azahera no ku mateka ye yavuzwe na mbere nayo nasubiyemo. Ayo mateka afite inyigisho nyinshi ku bibi byaba byarakozwe bidakwiriye kuba bikorwa. Ariko ubu turi mu nzira y\u2019ibikorwa byiza, no mu bufatanye, mu myaka ishize makumyabiri n\u2019indi. Iyo nzira tuyimazemo igihe.<\/p>\n\n\n\n

Gushaka gukora neza, gukora ibyiza, ubufatanye, kubaka, ntabwo bigira ubwo bihagarara. Nta nubwo bigera igihe ngo abantu bumve ko bageze ku byiza byose bashakaga. Ni ibintu rero tugomba guhora dukora buri gihe cyose.<\/p>\n\n\n\n

Ariko intambwe imaze guterwa. Dukomeze dutere izindi ntambwe kugira ngo tugere ku ntego yo kubaka abantu, ubuzima, amadini, amatorero, Leta, twese dufatanye tugerageze dukore ibyiza dukwiriye kuba dukora, kandi dufitemo inyungu. Kandi tukabikora twumva ko buri wese akwiye kubyibonamo, akwiriye kumva ko yatanga umusanzu we, kandi abifitemo inyungu, bitari ibya bamwe cyangwa abandi.<\/p>\n\n\n\n

Ibyo rero, Karidinali Kambanda n\u2019abandi bayobozi ba Kiliziya Gatolika muri hano, ndetse na Vatikani navuze, dukurikije n\u2019inzira tubona mu bikorwa, uhereye no kuri Papa Fransisko agaragaza, ashyize imbere, natwe ntitwabura gutanga umusanzu wacu kugira ngo ibintu byihute, ibyiza abe ari byo bitera imbere, ibibi tugende tubisiga inyuma, bityo, twubake Kiliziya Gatolika , twubake u Rwanda, ndetse tugire ubufatanye hagati yacu, n\u2019indi myemerere y\u2019andi madini.<\/p>\n\n\n\n

Nagira ngo nsoza, nongere nifurize mwese abakiristu, abayobozi b\u2019Idini Gatolika, n\u2019andi madini, Abanyarwanda mwese mbifurize ishya n\u2019ihirwe, tubyifurize Kambanda. Uyu munsi wabaye uwe wo kumwakira no kumushimira urwego agezeho, no kumwibutsa ko inshingano ziyongereye. Izo yari afite ejo hashize, ubu, ejo hazaza, bishobora kuba byikubye kabiri. Ubwo rero urumva ko nubwo agenda akura mu myaka, ariko  n\u2019imirimo niko yagiye yiyongera. Tuzagerageza twese hamwe kugutera inkunga, gutera Kiliziya Gatolika inkunga n\u2019abo mufatanyije mwese, kugira ngo icyo twifuza tukigereho.<\/p>\n\n\n\n

Nagira ngo rero mbashimire uyu mwanya, ubutumire, hanyuma mbizeza ubufatanye nk\u2019uko nabivuze. Mwese mugire amahoro y\u2019Imana.<\/p>\n","protected":false},"excerpt":{"rendered":"

Nyiricyubahiro Antoine Karidinali Kambanda, Arikiyepisikopi wa Kigali; Bayobozi b\u2019inzego nkuru z\u2019Igihugu cyacu; Nyiricyubahiro Marcel Madila Basanguka, Arikiyepisikopi wa Kananga, akaba na Perezida  w\u2019Ihuriro ry\u2019Inama y\u2019Abepisikopi muri Afurika yo hagati; Nyiricyubahiro Filipo Rukamba, Umwepisikopi wa Butare, akaba na Perezida w\u2019Inama y\u2019Abepisikopi Gatolika mu Rwanda; Nyakubahwa Musenyeri Andrzej J\u00f3zwowicz, Intumwa ya Papa mu Rwanda; Ba Nyiricyubahiro Bepiskopi bo mu Rwanda n\u2019Abepisikopi, inshuti zacu, baturutse mu gihugu gituranyi cya Congo; Abihayimana mwese muri hano, bashyitsi bahire, n\u2019Abanyarwanda bari hano n\u2019abadukurikira; Mbanje kubasuhuza mwese.…<\/p>\n","protected":false},"author":1,"featured_media":15787,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[3],"tags":[],"class_list":["post-15786","post","type-post","status-publish","format-standard","has-post-thumbnail","hentry","category-speech","post-has-thumbnail"],"acf":[],"_links":{"self":[{"href":"https:\/\/paulkagame.rw\/2025\/index.php?rest_route=\/wp\/v2\/posts\/15786","targetHints":{"allow":["GET"]}}],"collection":[{"href":"https:\/\/paulkagame.rw\/2025\/index.php?rest_route=\/wp\/v2\/posts"}],"about":[{"href":"https:\/\/paulkagame.rw\/2025\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/paulkagame.rw\/2025\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Fcomments&post=15786"}],"version-history":[{"count":1,"href":"https:\/\/paulkagame.rw\/2025\/index.php?rest_route=\/wp\/v2\/posts\/15786\/revisions"}],"predecessor-version":[{"id":15788,"href":"https:\/\/paulkagame.rw\/2025\/index.php?rest_route=\/wp\/v2\/posts\/15786\/revisions\/15788"}],"wp:featuredmedia":[{"embeddable":true,"href":"https:\/\/paulkagame.rw\/2025\/index.php?rest_route=\/wp\/v2\/media\/15787"}],"wp:attachment":[{"href":"https:\/\/paulkagame.rw\/2025\/index.php?rest_route=%2Fwp%2Fv2%2Fmedia&parent=15786"}],"wp:term":[{"taxonomy":"category","embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Fcategories&post=15786"},{"taxonomy":"post_tag","embeddable":true,"href":"https:\/\/paulkagame.rw\/2025\/index.php?rest_route=%2Fwp%2Fv2%2Ftags&post=15786"}],"curies":[{"name":"wp","href":"https:\/\/api.w.org\/{rel}","templated":true}]}}